Við erum framúrskarandi fyrirtæki

Fréttir | 26. maí 2017

Við hjá ÍSAM erum stolt af því að vera á lista Creditinfo yfir Framúrskarandi fyrirtæki árið 2016 í fyrsta sinn. Um 35 þúsund fyrirtæki eru skráð á Íslandi. Af þeim uppfylla aðeins 624 strangar kröfur sem Creditinfo setur fyrir því að fá að teljast til framúrskarandi fyrirtækja.

 Þetta er sjöunda árið í röð sem Creditinfo tekur saman lista yfir fyrirtæki sem uppfylla fjölmörg skilyrði sem sett eru til að fá að bera þennan eftirsótta titil. Aðeins 178 fyrirtæki uppfylltu skilyrðin árið 2010.

Verðmæt fyrirtæki

Þau fyrirtæki sem komast á lista Creditinfo sýna stöðugleika í rekstri og skapa þannig verðmæti og störf. Þau standa á traustum stoðum og eru því jafnframt ekki líkleg til að valda samfélaginu kostnaði.

Til að komast á lista Creditinfo yfir framúrskarandi fyrirtæki þarf að uppfylla ýmis skilyrði. Skilyrðin eru m.a. þau að hafa skilað ársreikningi til RSK síðastliðin þrjú ár, líkur á alvarlegum vanskilum séu undir 0,5% og að rekstrarhagnaður hafi verið jákvæður þrjú ár í röð. Þá þarf eiginfjárhlutfallið að hafa verið 20% eða meira og eignir 80 milljónir eða meira þrjú rekstrarár í röð.

Það er ánægjuefni að ÍSAM uppfylli öll þessi skilyrði og sé á lista Creditinfoyfir Framúrskarandi fyrirtæki ársins. Það er okkur hvatning til að gera enn betur í framtíðinni.